يا بختنا اننا بنات

ثبت علميا بعد البحث والتدقيق ان البنت اخر راحة سواء فى بيت بابا او فى بيت المحروس جوزها




1- البنت بتتكلم براحتها فى التليفون وباباها أو جوزها هو اللى بيدفع الفاتورة فى الأخر




2- البنت مش ملزمة تجهز نفسها باباها أو البيه (خطيبها) هم اللى هايدفعوا دم قلبهم




3- مفيش حد بيبص على بدلة العريس كله بيبص على فستان العروسة




4-لو واحدة عملت مخالفة وعيطت شوية للظابط هايعديها لو راجل هاياخد على دماغه




5-لو واحدة ماأدتش قرايبها عيدية مش هايقولوا عليها بخيلة هايقولوا أصل العيب على جوزها






6- لو واحدة اتأخرت على المحاضرة ممكن الدكاترة يدخلوها


لو ولد هايقولوا روح يابابا كمل نوم برة فى الشمس






7- لو حصل زعل بين البنت وباباها مش هايطردها برة البيت ...وهى بس يادوب تعيط شوية وبابا هايروح يصالحها علي طول ....


أما الولد فايدوب يلحق مكان ينام فيه جنب البواب




دلع البنات:


ياختى قميلة ( سنتين )


ياعسولة ( 5 سنين)


ياعروسة ( 12 سنة)


ياقمر ( 18 سنة )


يا هانم ( 40 سنة)


يا أم العيال ( 50 سنة)


ياست الكل ( 60 سنة)




دلع الولاد :


انت ياد ( 10 سنين )


انت ياشحط بقيت طول الباب وشنبك فى وشك ( 18 سنة )


يا رجل ( 40 سنة )


ياعم الحاج ( 50 سنة )


ياراجل يا عجوز مناخيرك أد الكوز ( 60 سنة